Sjómaq – Ungsdómsfelagsskapir tvørtur um Føroyar, Grønland og Danmark

Endamálið við Sjómaq-verkætlanini er at knýta nýggj bond og styrkja kunnleikan millum ung í Ríkisfelagsskapinum. Hetta gera vit við verkætlanum, upplýsingararbeiði og við at skapa møguleikar fyri, at ung og ungdómsfelagsskapir kunnu hittast tvørtur um Grønland, Føroyar og Danmark um júst tað, sum hevur týdning fyri tey.

Sjómaq er eitt samstarv millum ungdómsfelagsskapir í øllum trimum londunum. Saman arbeiða vit fyri at skapa vinabond og styrkja fatanina millum ung í Ríkisfelagsskapinum við støði í virðum sum felags virðing, forvitni, javnvirði og opinleika.

Tað, at vit eru ymisk, er styrki okkara. Samstundis mugu munir okkara ikki forða fyri øllum tí, vit hava í felag. Tí hóast ungdómslívið í londunum kring Norðuratlantshavið kann vera ymiskt, hava vit nógvar av teimum somu upplivingunum, avbjóðingunum og dreymunum.

Hesa hugsan hevur stýrisbólkurin í Sjómaq savnað í merkisorðunum hjá verkætlanini:

"Vit eru ymisk, men hava nógv í felag"