Naalagaaffeqatigiinnermi inuusuttut
Sjómaq – inuusuttut Savalimmiunit, Kalaallit Nunaannit Danmarkimillu ataatsimoorfiat
Ataatsimoorullugu siunertaq
Assigiinngissutit - amerlasuulli ataatsimoorussavut
Sjómaq-p suliniutaa siunertaqarpoq Naalagaaffeqatigiinnermi inuusuttut akornanni attaveqarfinnik nutaanik pilersitsinissamik aammalu imminnut ilisarisimaqaqatigiinnerup nukittorsaanissanik. Tamanna sammisaqartitsinikkut, ilisimasanik siammarterinikkut kiisalu inuusuttunut inuusuttullu peqatigiiffiinut Kalaallit Nunaanni, Savalimmiuni Danmarkimilu pingaarutilinnik sammisaqarlutik naapiffissanik pilersitsinikkut ingerlapparput.
Sjómaq tassaavoq nunani pingasuni tamani inuusuttut peqatigiiffiisa suleqatigiiffiat. Ataatsimoorluta Naalagaaffeqatigiinnermi inuusuttut akornanni ikinngutigiinnernik pilersitsinissaq paaseqatigiinnerullu nukittorsarnissaa sulissutigaarput, ataqqeqatigiinneq, soqutiginninneq, naligiissitaaneq ammasuunerlu tunngavigalugit.
Assigiinngissuterput nukittussuseqarfigaarput. Tamatuma peqatigisaanik assigiinngissutigut ataatsimoorussatsinnut akornutaassanngillat. Atlantikup Avannaani inuusuttut inuunerat assigiinngissinnaagaluartoq, misigisat, unammilligassat takorluukkallu amerlasuut ataatsimoorussaraavut.
Taamatut eqqarsarneq tunngavigalugu Sjómaq-p aqutsisoqatigiivisa suliniutip oqariartuutaa ima aalajangerpaat:
"Assigiinngilagut, kisianni amerlasuunik ataatsimoorfeqarpugut."
Naapikkutta assigiinngissutsit paasineqassapput
Sjómaq-p neqeroorutigaa
Sammisat
Inuusuttut Atlantikup Avannaani nunat akimorlugit paarlaasseqatigiinnikkut, paasissutissiisarnikkut aaqqissuussanikkullu naapissinnaanissaannut periarfissiivugut.
Paasissutissat
Misissueqqissaarnitsigut Naalagaaffeqatigiinneq siunissaalu pillugit inuusuttut qanoq ilisimasaqartiginersut qanorlu isumaqarnersut paasisaqarfigissavat.
Tapiissutit
Atlantikup Avannaani inuusuttut ataatsimoorutigisinnaasaannik isumassarsiaqarpit?
Sjómaq-p tapiissuteqartarfianut qinnuteqarit, isumassarsiatillu piviusunngortinnissaanut tapiissutisillutit.
