Tú ert boðin til seminardag á Norðuratlantsbryggjuni í Keypmannahavn 27. august frá kl. 10 til 17. Við ungum røddum og sjónarmiðum í miðdeplinum taka vit støðuna hjá Ríkisfelagsskapinum upp til viðgerðar í ljósinum av vaksandi geopolitiskum áhuga fyri Grønlandi.
Hvussu uppliva ung í Grønlandi vaksandi altjóða áhugan og miðlaáhugan? Hvat krevst fyri at skapa eitt javnari samstarv? Hvussu síggja ung framtíðina í Ríkisfelagsskapinum? Hetta eru nakrir av spurningunum, sum vit leggja dent á á seminardegnum.
Undir tiltakinum fært tú møguleika at taka virknan lut, fara í samrøðu og hugleiða saman við politikarum, framløgufólkum og øðrum luttakarum.
Skrá
10:00: Vælkomin: Hvat er Ríkisfelagsskapurin fyri teg?
11:00: Sjónarmið úr Grønlandi: Hvussu verður áhugin hjá umheiminum upplivaður?
12:30: Miðmáli
13:30: Hitt ein granskara: Hvussu virkar Ríkisfelagsskapurin í praksis?
14:15: Ríkisfelagsskapurin 2.0: Hvat siga norðuratlantisku fólkatingsumboðini um samstarvið?
15:00: Kaffisteðgur
15:30: Pallborðssamrøða: Hvussu skapa vit framtíðar Ríkisfelagsskapin?
17:00: Takk fyri í dag
Praktiskir upplýsingar
Matur og drekka: Ein bolla til morgunmat, ein sandwich til miðmála og eina rúgvu av kaffi og te!
Ferðing: Kemur tú langvegis frá, rinda vit fegin útreiðslurnar til tok ella buss.
Fyri at tryggja, at ung úr Danmark, Grønlandi og Føroyum eru breitt umboðað, er ein stutt umsóknartilgongd. Av tí at talið av plássum á seminarinum er avmarkað, biðja vit teg í tilmeldingarskjalinum stutt greiða frá, hví tú ynskir at taka lut. Søk bert, um tú hevur møguleika at taka lut í allari skránni.
Í seinasta lagi 17. august fært tú boð, um tú hevur fingið pláss á seminarinum.
Spurningar?
Hevur tú fleiri spurningar, vend tær so til verkætlanarleiðara Danna Galor á teldupostadressu: dga@duf.dk.
